آزاد شدن ۵۴ شهروند افغان از زندانهای پاکستان

وزارت امور مهاجرین و عودت کنندگان از آزاد شدن ۵۴ شهروند افغان از زندان‌های پاکستان خبر داده است.

این وزارت می‌گوید که این مهاجران به دلیل نداشتن اسناد قانون بین ۳ تا ۲۰ روز در پاکستان زندانی بودند و روز دوشنبه، هفته جاری از زندان‌های پاکستان آزاد و از مسیر تورخم و سپین بولدک به کشور برگشته‌اند.

پاکستان از نومبر سال ۲۰۲۳ میلادی روند اخراج اجباری مهاجران افغان را آغاز کرد و با جبر و زور افغان‌ها را زندانی می‌کند.

پیش از این عمران خان، نخست وزیر سابق پاکستان گفته بود که دولت شهباز شریف، با اخراج اجباری مهاجران افغان به نفرت دامن می‌زند.